Радовішча торфу ў Смалявіцкім раёне, вядома, не краіна Эльдарада, але мясцовую сыравіну - торф - няйнакш як балотнае золата не назавеш. Таварны выгляд яму надаюць на заводзе ў пасёлку Усяж. Сярод спажыўцоў такіх чорных зліткаў - і прамысловыя гіганты як у Беларусі, так і за мяжой.
Такі эканамічны эфект нават сёння, у эпоху газіфікацыі, гаворыць сам за сябе.
Каб зразумець перавагі ад выкарыстання торфу, дастаткова простай арыфметыкі. 2 тоны брыкету замяняюць 1000 кубаметраў прыроднага газу. І калі такая колькасць торфу для спажыўцоў каштуе адзін мільён рублёў, то газавы эквівалент - больш за 2 з паловай.
Адно толькі прадпрыемства ва Усяжы выпускае 100 тысяч тон торфабрыкету за год. Усяго такіх у Беларусі 19. Згодна з дзяржпраграмай Торф, заводы актыўна мадэрнізуюць.
Валерый Кавалёў, намеснік генеральнага дырэктара ДВА Белпалівагаз: Дзякуючы гэтай праграме мы мадэрнізавалі 16 прадпрыемстваў. Гэта дазволіла павялічыць аб'ёмы вытворчасці да 1 мільёна 394 000 тон брыкету. Гэта дазволіла замясціць 590 мільёнаў кубаметраў прыроднага газу.
Усе пляцоўкі, на якіх здабывалася паліва, далей пераходзяць да аграрыяў або лясгасаў. Такім чынам, не бывае пустых і безгаспадарных месцаў.
Торфабрыкетнаму заводу ва Усяжы - 60 гадоў. Да такого ўзросту прыйшоў з салідным багажом: 6 мільёнаў тон брыкету. Але адпачываць яму не прыйдзецца. Запасаў пакуль не здабытага торфу, паводле разлікаў вучоных, хопіць яшчэ мінімум на стагоддзе.
Энергетыка Мінскай вобласці павялічвае аб'ёмы спажывання мясцовых відаў паліва
13 марта 2014
Зараз ідзе падрыхтоўка да сезону здабычы торфу. Дарэчы, флагман гэтай прамысловасці ў вобласці - завод у пасёлку Усяж. Аляксей Кандраценка даведаўся, у чым, уласна, выгада ад выкарыстання торфу і якая будучыня ў альтэрнатыўнай энергетыкі?