Эксклюзіўнае інтэрв'ю з адным з самых яркіх бізнесменаў Расіі Міхаілам Гуцэрыевым

8 Ліпеня 2018

Беларусь сур'ёзна ўмацуе пазіцыі ў топе найбуйнейшых экспарцёраў калійных угнаенняў. Максімум праз 4 гады ў краіне з'явіцца, па сутнасці, другі Салігорск - пачне працу Нежынскі горна-абагачальны камбінат. Прадпрыемства з нуля ў Любанскім раёне ўзводзіць расійскі Слаўкалій.

У эксклюзіўным інтэрв'ю нашаму каналу старшыня савета дырэктараў кампаніі Міхаіл Гуцэрыеў распавёў аб рэалізацыі праекта. А таксама аб тым, чаму выгадна інвеставаць у Беларусь, што дасць краіне Дэкрэт № 8 "Аб развіцці лічбавай эканомікі".

Міхаіл Гуцэрыеў - адзін з самых яркіх бізнесменаў Расіі. Ён займае 24 месца ў рэйтынгу часопіса Forbes. Пры гэтым сям'я Гуцэрыевых неаднаразова ўзначальвала рэйтынг найбагацейшых сем'яў Расіі.

Скончыў 4 ВНУ, доктар эканамічных навук, кандыдат юрыдычных навук. Кандыдат у майстры спорту па дзесяцібор'і. А яшчэ - адзін з самых запатрабаваных паэтаў-песеннікаў Расіі. На сучаснай эстрадзе няма зорак, якія не праспявалі песень Гуцэрыева. Уладальнік "Залатога грамафона", шмат разоў станавіўся "Паэтам года" па выніках конкурсу "Песня года".

Міхаіл Гуцэрыеў таксама вядомы мецэнат. Літаральна напярэдадні ў Мінскім раёне адбылося асвячэнне пляцоўкі пад будаўніцтва царквы, якую ўзвядуць за грошы Гуцэрыева. Бізнесмен за два гады пабудуе ў беларускай сталіцы школу.

З Міхаілам Гуцэрыевым сустрэўся наш карэспандэнт Сяргей Воляк (відэа).


Папулярныя

Рэкамендуемыя

Зараз чытаюць

Рэкамендуемыя