Колькасць занятых у розных галінах малога і сярэдняга бізнесу ў Беларусі будзе павялічвацца.
Аб гэтым заявілі нашаму каналу ў Міністэрстве эканомікі. Калі сёння ў прадпрымальніцкім асяроддзі працуюць 1 мільён 300 тысяч чалавек, то да 2030 года гэтая лічба (паводле аптымістычных прагнозаў) можа павялічыцца да 2 мільёнаў. Стаўка робіцца на сферу паслуг і фермерства. Ад зацверджанай Стратэгіі развіцця малога і сярэдняга прадпрымальніцтва на 12 гадоў рэгулятар чакае не толькі колькаснага, але і якаснага напаўнення.
Падрабязна аб стымуляванні развіцця малога бізнесу, новых прававых актах, змякчэнні крымінальнай адказнасці і перадачы дзяржмаёмасці і пустуючых плошчаў уласнікам міністр эканомікі Дзмітрый Крутой распавядзе ў эксклюзіўным інтэрв'ю ў "Галоўным эфіры" ў гэтую нядзелю.
