Беларуськалій пераадолеў чарговую знакавую мяжу. У Салігорску здабылі паўтара мільярда тон калійнай руды.
Такую падзею здымачная група "Галоўнага эфіру", зразумела, прапусціць не магла.
Брыгаду, якая адбіла юбілейны кавалак пароды, асабліва адзначыла кіраўніцтва Беларуськалія. Падзея і для кампаніі, і для краіны ў цэлым сапраўды знакавая. Сярод гасцей генеральныя дырэктары прадпрыемства мінулых гадоў і так званыя ўдарнікі шахцёрскай працы.
Першы мільярд калійнай руды здабылі ў Салігорску ў 2003 годзе. Каб заваяваць гэтую мяжу, кампаніі спатрэбілася амаль паўстагоддзя і ўсяго 14 гадоў, каб адсвяткаваць чарговую юбілейную здабычу.
Сёння Беларусь уваходзіць у пяцёрку найбуйнейшых вытворцаў і экспарцёраў калійных угнаенняў, а Старобінскае радовішча, дзе размешчаныя гэтыя рудні, адно з самых вялікіх у свеце. Яго засваенне пачалося амаль 60 гадоў таму.
Колькі яшчэ прыродных багаццяў засталося ў краіне, і ці прыносяць яны ранейшы прыбытак? Аб гэтым гендырэктар ААТ “Беларуськалій” Іван Галаваты ў эксклюзіўным інтэрв'ю распавёў нашай праграме (відэа).