Эканоміка і жыццё людзей - пытанне нумар адзін
У Палац Незалежнасці запрошаныя ўрад, старшыні аблвыканкамаў, кіраўнікі профільных ведамстваў. У цэнтры ўвагі Аляксандра Лукашэнкі дынаміка цэн, загрузка нашых НПЗ, магутнасці для захоўвання сыравіны, а таксама забяспечанасць унутранага рынку нафтапрадуктамі, у тым ліку палівам для завяршэння пасяўных работ. Сітуацыя на нафтавым рынку, якая ўвесь час змяняецца, зараз адна з самых надзённых тэм ва ўсім свеце, кан'юнктура непрагназуемая, а таму Прэзідэнт заклікае мець для краіны некалькі сцэнарыяў развіцця сітуацыі. Неабходна мінімізаваць залежнасць ад нафтавых гульняў найбуйнейшых дзяржаў. Іх нежаданне знаходзіць агульную мову адна з адной негатыўна адбіваецца на цэнах на чорнае золата. Ціск на энергарынак па-ранейшаму аказваюць і навіны аб распаўсюджванні каранавіруса.
Прэзідэнт даручыў стварыць сур'ёзны запас нафты
Пакуль нафта танная, важна ператварыць гэтую сітуацыю сабе ў плюс. А таму Аляксандр Лукашэнка даручыў стварыць сур'ёзны запас нафты і паліва на непрадбачаныя выпадкі. Гэта дазволіць не парушаць працу галін і не перарываць тэхналагічныя працэсы.