Эканоміка ЕАЭС: найбольшы дынамічны рост у Беларусі

Любы эканамічны поспех Беларусі  дае інтэграцыйны эфект для ЕАЭС. Сітуацыю на еўразійскай прасторы абмеркавалі сёння падчас  анлайн-брыфінгу. На думку міністра па інтэграцыі і макраэканоміцы ЕЭК Сяргея Глазьева, беларуская эканоміка - магутны лакаматыў інтэграцыйных працэсаў. Гэта тлумачыцца тым, што наша краіна звязана з  расійскімі партнёрамі моцнай кааперацыяй,  у аснове якой  стварэнне прадукцыі з высокай дабаўленай вартасцю. Напрыклад, калі Беларусь паспяхова займаецца прасоўваннем трактароў на знешні рынак, то растуць і пастаўкі расійскіх камплектуючых.  Сяргей Глазьеў прывёў свежыя звесткі аб узаемным гандлі ў ЕАЭС за студзень. Рост у Еўразійскім саюзе на 3,3 %. 

Эканоміка ЕАЭС за студзень прырасла на 3,3 %

Гаворачы пра сітуацыю на сусветным фінансавым рынку, міністр ЕЭК  прадказаў яму хуткія ўзрушэнні. Сяргей Глазьеў таксама лічыць, што краінам Еўразійскага эканамічнага саюза трэба больш актыўна пераходзіць  на нацыянальныя грошы ва ўзаемным гандлі. З-за санкцый амерыканскі долар  стаў для Расіі  "таксічнай валютай".