Дадатковыя меры па развіцці племянной жывёлагадоўлі будуць прынятыя ў Беларусі ў найбліжэйшы час

І асаблівую ўвагу нададуць удасканаленню тэхналагічных працэсаў. Ад утрымання да вытворчасці гатовай прадукцыі. Праект закону сёння абмеркавалі ўдзельнікі Пастаяннай камісіі Савета Рэспублікі на базе сельгаспрадпрыемства "Добраахвотнік" Клічаўскага раёна, наведаўшы малочна-таварны комплекс і лінію па перапрацоўцы рапсу - яна забяспечвае прадпрыемства танным бялковым кормам. Генетычны запас беларускіх бурых як экспартны патэнцыял трэба захаваць - такі галоўны пасыл маючых адбыцца змяненняў

Міхаіл Русы, старшыня Пастаяннай камісіі Савета Рэспублікі Нацыянальнага сходу Беларусі: "Усе законы, якія будуць праходзіць праз нашу камісію, - гэта не толькі сельскагаспадарчыя, жыллёва-камунальныя, дзе даволі шмат пытанняў, гэта транспартныя пытанні, прыродаахоўныя, лясная гаспадарка - будуць разглядацца менавіта на канкрэтных аб'ектах. Выездам, магчымасцю пачуць меркаванні людзей, якія працуюць над дадзенай тэматыкай, на гэтай тэрыторыі".

Анансаваныя і змяненні ў Закон аб ідэнтыфікацыі прадукцыі. Зараз адсочваць па штрых-кодах ад вытворчасці да прылаўка плануюць не толькі мясную, але і прадукцыю птушкагадоўлі і рыбу. Таксама прадугледжана спалучэнне беларускай сістэмы з аналагічнымі ў краінах-партнёрах па ЕАЭС. Сёння ж удзельнікі выязнога пасяджэння правялі прыёмы грамадзян у раёне.