Новы дызайн і больш магчымасцяў! Абнаўленне грамадскага транспарту ў сталіцы. У распараджэнне аўтапаркаў паступіла амаль 200 новых аўтобусаў, абсталяваных кандыцыянерамі. А да лета ў 5 разоў павялічыцца колькасць электробусаў на вуліцах Мінска. Парк папоўняць 60 такіх машын. На прадпрыемстве "Белкамунмаш" завяршаецца падрыхтоўка да эксплуатацыі і найноўшай мадэлі электробуса.
Сярод першых тэст-драйваў электробусаў - у тым ліку і перавозка гасцей і балельшчыкаў ІІ Еўрапейскіх гульняў. Гэтым будзе займацца спецыяльная брыгада Мінсктранса.
