Але тысячам кіламетраў адгрузкі прадукцыі заўсёды папярэднічае доўгі шлях па Мінскай вобласці. Маршрут ад поля да завода - у Алены Вітко.
На гэтым участку ў 150 гектараў багаты ўраджай кукурузы. Залатыя пачаткі ледзь умяшчаюць "бурштынавае зерне". Цяжэюць і засекі. Зараз культуру ў гаспадарцы ўбіраюць на зерне, сілас і карнаж. Дарэчы, гэты від корму толькі асвойваюць. Адным з першых пра тэхналогію даведваецца механізатар Аляксандр Пратасеня. Працуе амаль 10 гадоў, але новыя веды - кожны сезон.
Усяго ў сельгасфіліяле Слуцкага сыраробнага камбіната пад кукурузу адвялі 2,5 тысячы гектараў. 600 з іх - на зерне. Ураджайнасць вышэйшая за леташнюю: звыш 110 цэнтнераў з гектара.
Ад кармоў залежыць і якасць малака
А ад яго - дзейнасць і эканоміка ўсяго філіяла. Так, малочна-таварны комплекс "Ванькоўшчына", а яму каля 10 гадоў, толькі пашыраецца. Зараз будуюць цялятнік. Пакуль маладняк расце і рыхтуецца да пераезду ў новыя апартаменты. Усяго ж у комплексе - больш за тысячу кароў.За ўласцівасцямі малака сочаць на кожным этапе. І калі на комплексе гэта выніковы прадукт, на Слуцкім сыраробным камбінаце белыя рэкі ператвараюцца ў сыравіну. Лабараторныя пробы - 10 хвілін. А перапрацоўка - толькі пасля "знака якасці".