Новая дырэктыва пад нумарам 6 аб развіцці вёскі і павышэнні эфектыўнасці аграрнай галіны ўступіла ў сілу. Аграрыі Мінскай вобласці ўжо намячаюць планы па дасягненні пастаўленых задач. У прыватнасці, гэта павышэнне ўзроўню жыцця ў вёсцы, стварэнне новых працоўных месцаў, рост прадуктыўнасці працы на 40%, а таксама ўкараненне інавацый у жывёлагадоўлі і раслінаводстве. Пастаўлена задача для малочных комплексаў вобласці дасягнуць большых паказчыкаў. Устаноўлены і тэрмін завяршэння будаўніцтва і рэканструкцыі малочна-таварных фермаў да 1 студзеня 2021 года.
Яшчэ адна задача - падрыхтаваць высакакласных спецыялістаў для сельгасгаліны. Студэнты каледжаў і профільных ВНУ павінны штогод праходзіць вытворчую практыку на фермах, а таксама падчас уборачных і пасяўных кампаній. Сумесна з аграрыямі будуць цесна супрацоўнічаць і навукоўцы.
