Дэлегацыя Татарстана прыбывае ў Беларусь

Дэлегацыя Татарстана на чале з віцэ-прэм'ерам - міністрам прамысловасці і гандлю Равілем Зарыпавым сёння прыбывае ў Беларусь. Госця, як чакаецца, прыме першы віцэ-прэм'ер Беларусі Уладзімір Сямашка. Бакі абмяркуюць супрацоўніцтва ў аўтамабільнай прамысловасці і нафтахімічнай галіне, навуцы і адукацыі. Акрамя гэтага, у праграме ў татарстанскай дэлегацыі - наведванне беларускіх заводаў. Адзначым, Равіль Зарыпаў наведваў нашу краіну ў красавіку мінулага года. Тады дамовіліся аб стварэнні рабочай групы па супрацоўніцтве ў нафтахіміі і кааперацыі ў іншых галінах.