Цэхі завода "Штадлер" у Фаніпалі, звычайна закрытыя для наведвальнікаў, сёння апынуліся пад пільным позіркам дзясятка журналістаў. Вынікі эканамічнай дзейнасці за мінулы год і планы вытворчасці на 2020 – усе важныя лічбы перад камерамі і дыктафонамі назваў асабіста дырэктар завода Філіп Брунер. Ён жа сёння і экскурсавод.
У ЗША будзе наладжана вытворчасць цягнікоў па прыкладзе завода ў Фаніпалі
Літаральна два тыдні таму завод у Фаніпалі наведала дэлегацыя з амерыканскага горада Атланта. У Беларусі іх зацікавілі новыя цягнікі, што ўжо месяц курсіруюць у Мінскім метрапалітэне. Справа ў тым, што тэхнічныя характарыстыкі цягнікоў у метрапалітэнах Мінска і Атланты падобныя, таму і новая вытворчасць (толькі ўжо ў ЗША) будзе наладжана па прыкладзе завода ў Фаніпалі. Увогуле супрацоўніцтва з Мінскім метрапалітэнам стала для завода асаблівым і іміджавым праектам."Штадлер Мінск" працуе над буйнымі заказамі для чыгунак Венгрыі, Славеніі, Азербайджана і Нарвегіі
Паралельна "Штадлер Мінск" працуе над буйнымі заказамі для чыгунак Венгрыі, Славеніі, Азербайджана і Нарвегіі. А ў красавіку ў Фаніпалі плануюць адкрыць новы завод ператваральнікаў. Дарэчы, "Штадлер" актыўна развіваецца і дзякуючы сваёй лакацыі. Ён знаходзіцца ў свабоднай эканамічнай зоне ў Дзяржынскім раёне, дзе на льготных умовах сваю дзейнасць ажыццяўляюць дзясяткі прадпрыемстваў. Увогуле ўвесь Дзяржынскі раён паказвае высокія вынікі як у прамысловай, так і ў сельскагаспадарчай дзейнасці.Дзяржынскі раён уваходзіць у топ. Адна з такіх гаспадарак, дзе мы зараз і знаходзімся. Тут адна карова дае 35 літраў малака. Высокі паказчык – плённая праца ўсяго калектыву.
Агракамбінат "Дзяржынскі" штогод нарошчвае тэмпы вытворчасці
Агракамбінат "Дзяржынскі", у склад якога ўваходзіць і гаспадарка "Вязынь", штогод нарошчвае тэмпы вытворчасці, у тым ліку мяса птушкі.
Тэмпы вытворчасці малака, мяса, птушкі ў Дзяржынскім раёне змяншаць не плануюць. У 2020 у раёне адкрываецца новая малочная ферма.
