Дэлегацыя з Калінінграда на Мінскім малочным заводзе № 1

Вынікі паездкі ў беларускую сталіцу стануць асновай для новых дамоўленасцяў. Аб гэтым заявілі прадстаўнікі ўрадавай дэлегацыі з Калінінградскай вобласці Расіі, наведваючы Мінскі малочны завод № 1. Гасцей зацікавіла магчымасць шырэй прадставіць беларускую прадукцыю на прылаўках сваіх магазінаў. Акцэнт - на тварог, ёгурты і сыры. 

Ілья Барынаў,  намеснік старшыні ўрада Калінінградскай вобласці Расіі: "Вядома, у нас на рынку ёсць беларуская прадукцыя, але не ў тым аб'ёме, як магла бы быць прадстаўлена. Таму я спадзяюся, у найбліжэйшы час усе пытанні, звязаныя з перасячэннем таварам мяжы, мы вырашым, і вашы прадукты будуць ляжаць на нашых прылаўках. "Зроблена ў Беларусі" - гэта сінонім якасці, таму заўсёды бяруць з задавальненнем". 

А напярэдадні госці з самага заходняга рэгіёна Расіі наведалі сталічнае прадпрыемства "Белкамунмаш". Павышаная цікавасць - да электробусаў. Калінінградцы знаёмяцца з вытворцамі і маюць намер набыць не менш як 100 адзінак экалагічна чыстага транспарту.