У гэтыя дні ў рамках Форуму Беларусі і Узбекістана дэлегацыя Андыжанскай вобласці наведала прадпрыемствы Бабруйска. Госці пабывалі на заводзе па выпуску зефіру, кандытарскіх вырабаў. Пазнаёміліся з лагістычным цэнтрам - ён дае магчымасць працаваць напрамую з пакупнікамі па ўсім свеце. Таксама цікавасць у гасцей выклікала прадпрыемства Бабруйскаграмаш, з якім на форуме падпісана пагадненне аб супрацоўніцтве. У прыватнасці, Узбекістан мае намер забіраць да тысячы адзінак камплектаў нашай машынатэхнікі.
Умід Турдыаліеў, рэктар Андыжанскага машынабудаўнічага інстытута (Узбекістан): "Адзін з важных момантаў - гэта цалкам 100 % сабраць ураджай. Нам зараз распавядалі пра гэтыя агрэгаты, што дасягаецца амаль што 98 %, цалкам чысціцца зямля - гэта ўжо так, уражлівая лічба".
Аб'ёмы экспартных паставак тэхнікі Бабруйскаграмаша ва Узбекістан ужо сёлета вырастуць да мільёна долараў.
Дэлегацыя Андыжанскай вобласці Узбекістана наведала прадпрыемствы Бабруйска
1 августа 2019