Дэлегацыі з Таджыкістана і Калінінградскай вобласці Расіі наведваюць прадпрыемствы Мінска

Вялікі дзень для знешнеэканамічных сувязяў сталіцы. Сёння мінскія прадпрыемствы з рабочымі і дзелавымі візітамі наведваюць прадстаўнічыя дэлегацыі з Таджыкістана і Калінінградскай вобласці Расіі. Госці з Азіі, сярод якіх прамыслоўцы і бізнесмены, зацікаўленыя ў супрацоўніцтве з заводам "Камволь". Таджыкі вывучылі вопыт арганізацыі вытворчасці тэкстыльнай прадукцыі, а таксама магчымасць яе экспарту ў свой рэгіён.

Кіраўніцтва, а таксама бізнесмены з Калінінграда сёння пабывалі на Мінскім малочным заводзе № 1. Гасцей зацікавіла магчымасць больш шырока прапанаваць беларускую малочную прадукцыю на прылаўках сваіх магазінаў. Акцэнт на тварагу, ёгуртах і сырах. І сёння ж госці з самага заходняга рэгіёна Расіі наведаюць гісторыка-культурны комплекс "Лінія Сталіна", а таксама вывучаць вопыт арганізацыі і развіцця індустрыяльнага парка " Вялікі камень".