Дэкрэт "Аб развіцці лічбавай эканомікі" сыграе вялікую ролю ў паляпшэнні ўмоў працы як для стартапаў, так і прадуктовых кампаній. Такое меркаванне выказаў Юрый Мельнічак у эксклюзіўным інтэрв'ю Агенцтву тэленавін - сузаснавальнік картаграфічнага сэрвісу Maps.me і кампаніі ў галіне штучнага інтэлекту Aimatter. Сёлета гэты стартап набыла карпарацыя Google. І гэта была першая здзелка падобнага роду ў Беларусі, якая дала штуршок для пераходу краіны да норм міжнароднага права. Па меркаванні IT-прадпрымальніка, дэкрэт адкрывае магчымасці і для матывацыі супрацоўнікаў. Пры стварэнні стартапа рэальна стаць уладальнікам часткі яго акцый. Пры поспеху праекта яны будуць толькі расці ў грашовым эквіваленце. Вялікі плюс і для прадуктовых кампаній.
Дэкрэт "Аб развіцці лічбавай эканомікі" ўжо называюць рэвалюцыйным. Беларусь стала першай краінай у свеце, якая заканадаўча прызямліла тэхналогію блокчэйн. Пашыраныя віды дзейнасці рэзідэнтаў ПВТ, прыбраныя неэфектыўныя падаткі. Падрабязней аб знакавым дакуменце - сёння ў "Панараме".
