Cпікеры парламентаў Беларусі і Пакістана абмеркавалі ўмацаванне гандлёва-эканамічных сувязяў

Развіццё поўнафарматнага ўзаемадзеяння Беларусі і Пакістана немагчыма без эфектыўнага міжпарламенцкага дыялогу. Аб гэтым гаварылі сёння ў Ісламабадзе на сустрэчы спікераў парламентаў дзвюх краін. Уладзімір Андрэйчанка і Сардар Аяз Садзік абмеркавалі ўмацаванне гандлёва-эканамічных сувязяў з улікам дамоўленасцяў кіраўніцтва дзвюх краін. Спікер Нацыянальнай асамблеі парламента Пакістана падкрэсліў тое вялікае значэнне, якое надае яго краіна візіту беларусаў. І гатоўнасць садзейнічаць росту тавараабароту да мільярда долараў. Таксама ў Ісламабадзе беларускія парламентарыі сустракаліся з міністрам нацыянальнай харчовай бяспекі і даследаванняў. Супрацоўніцтва ў сферы АПК абмяркуюць і заўтра на першым сумесным сельгасфоруме.