Для экалагічных машын колькасць зарадных станцый да канца года ў Беларусі вырасце да 250, заявіла кіраўніцтва Беларуснафты. Нагадаем, кампанія з'яўляецца дзяржаператарам па развіцці зараднай сеткі. Да пачатку новага года яна пакрые ўсе асноўныя магістралі ў радыусе да 50 кіламетраў. Гэта дазволіць без складанасцяў ездзіць на электракарах з аднаго абласнога цэнтра ў другі. У 2021 годзе колькасць зарадных станцый падвояць - іх стане каля 500. А ў будучыні павелічэнне будзе шматразовым. Плануецца, што паміж дзвюма найбліжэйшымі станцыямі павінна быць не больш за 70 кіламетраў. Падзарадка машыны бясплатная. Гаварыць аб увядзенні тарыфу для вадзіцеляў пакуль дачасна.
Праз некалькі гадоў развіццё атрымае і сетка суперхуткіх зарадных станцый. Іх усталююць у Мінску, абласных гарадах і на асноўных аўтамагістралях з адлегласцю паміж дзвюма найбліжэйшымі станцыямі 120-150 кіламетраў.
