Больш за тры дзясяткі экіпажаў у Віцебскай вобласці пераадолелі тысячны намалот збожжа

Двух- і трохтысячны рубеж  першымі заваявалі механізатары Глыбоцкай  інтэграцыйнай структуры. Тэмп уборачнай задаюць і сямейныя экіпажы - іх у паўночным рэгіёне краіны без малога сорак. Паралельна са жнівом актыўна ідзе нарыхтоўка кармоў. Пад траву ў Віцебскай вобласці адведзена больш за сто тысяч гектараў. Яшчэ з першага ўкосу ва ўборцы задзейнічаныя спецыяльныя механізаваныя атрады.

Ігар Васіленка, дырэктар філіяла СГЦ "Задняпроўскі" ААТ "Аршанскі КХП": "Па вырастанні ў нас найбольш эфектыўная - канюшына.  Маса вельмі добрая, менавіта таму рабілі стаўку на канюшыну. Сышлі ад старых тэхналогій і  пачынаем выкарыстоўваць менш затратныя".

Сучасныя тэхналогіі прымяняюць і ў нарыхтоўцы, і ў захоўванні. Шматлікія гаспадаркі стаўку робяць на пакаванне ў стрэйч-плёнку.