Аб зменах нарматыўна-прававой базы сёння гаварылі чыноўнікі і дэпутаты на сустрэчы ў Міністэрстве эканомікі. У заканадаўчай падтрымцы маюць патрэбу бізнес, інвестыцыі і рэальны сектар эканомікі. У аснове - арыенціры Праграмы сацыяльна-эканамічнага развіцця на пяцігодку. У прыватнасці, рост ВУП на 15%, паніжэнне інфляцыі да 5% працэнтаў і стаўкі рэфінансавання да 7 - 9. Выкананне залежыць ад прыбытковай працы дзяржпрадпрыемстваў і прыватнікаў. Але пакуль шмат нявырашаных праблем застаецца ў прававым полі.
Уладзіслаў Шчэпаў, старшыня Пастаяннай камісіі Палаты прадстаўнікоў Нацыянальнага сходу Беларусі: "Зараз два важныя законы, якія будуць уносіць дэпутаты: "Аб інвестыцыях" і "Аб прыватызацыі". Яны абмяркоўваліся падчас вялікай размовы. Прамыя замежныя інвестыцыі для нас надзвычай неабходныя. Патрэбныя новыя тэхналогіі, новыя рынкі. Патрэбны новы падыход у рэгуляванні эканомікі, у бізнесе, прыклады іншых краін, на якія мы арыентуемся. Гэта таксама Паўднёвая Карэя як прыклад укаранення электроннага ўрада. Гэта Сінгапур. Гэта прыклад эфектыўнага дзяржкіравання і прыклад вельмі хуткіх змен у эканоміцы, сацыяльнай сферы".
Сярод прапаноў па падтрымцы дзелавой ініцыятывы - знізіць пакаранне рублём за нязначныя парушэнні, дакладна прапісаць у законах адміністрацыйную адказнасць за неабгрунтаванае ўмяшанне ў працу прадпрыемстваў-кантралёраў.
