Беларускія сенатары адобрылі законапраект аб прадухіленні легалізацыі злачынных даходаў. Зараз банкі ў Беларусі, ажццяўляючы фінансавыя аперацыі, маюць права прыпыняць, адмаўляць у здзелках або нават разрываць адносіны з сумніўнымі кліентамі. Напрыклад, яны змогуць прыпыніць здзелку на два дні - гэтага часу хопіць, каб праверыць фізічную або юрыдычную асобу. Права разрываць адносіны з сумніўнымі кліентамі будуць мець як дзяржаўныя, так і прыватныя банкі.
Аляксандр Максіменка, дырэктар дэпартамента фінансавага маніторынгу Камітэта дзяржаўнага кантролю: За мінулы год толькі з інфармацыі дэпартамента фінансавага маніторынгу прыменена штрафаў і налічана падаткаў больш чым на 350 мільярдаў рублёў. 350 мільярдаў - гэта не толькі ў Беларусі былі аперацыі, калі мы прыпынялі рух грашовых сродкаў з іншых краін. У нас было прыпыненне аперацый, якія былі накіраваныя на вывад грашовых сродкаў з краіны. У верасні было прыпынена на суму каля 11 мільярда рублёў, у ліпені - 8 мільярдаў.
Распрацоўка законапраекта звязаная з тым, што беларускае заканадаўства ў сферы процідзеяння легалізацыі злачынных даходаў і фінансавання тэрарызму павінна адпавядаць стандартам ФАТФ - міжурадавай арганізацыі па барацьбе з адмываннем грошай. Усяго ў Савеце Рэспублікі Нацыянальнага сходу Беларусі парламентарыі сёння разгледзелі 11 законапраектаў.
