Асаблівая цікавасць да прадукцыі машынабудавання. Старшыня камітэта ўзброеных сіл Пакістана наведаў МТЗ, азнаёміўся з новымі мадэлямі прадпрыемстваў «Амкадор», “Гомсельмаш”, Мінскага аўтамабільнага і трактарнага заводаў. Такая экспазіцыя дазволіла госцю ацаніць у цэлым экспартны патэнцыял Міністэрства прамысловасці Беларусі.
Дзмітрый Корчык, намеснік Міністра прамысловасці Беларусі: "Асноўны наш экспарцёр - гэта Мінскі трактарны завод, які працуе на рынку Пакістана больш за 50 гадоў. Стаіць задача пашырыць мадэльны рад, які пастаўляецца на рынак Пакістана. Мы паставілі 30 адзінак тэхнікі МАЗ. Яны прайшлі выпрабаванні і працуюць у народнай гаспадарцы Пакістана. Плануем выехаць у найбліжэйшы час у Пакістан для таго, каб абмеркаваць павелічэнне аб'ёмаў пастаўкі нашай тэхнікі".
І сёння ж пакістанская дэлегацыя азнаёмілася таксама з прадукцыяй Беллёгпрама і кандытарскай галіны сталіцы. А ў якасці падарунка высокі госць атрымаў сувенірную мадэль трактара “Беларус”.
