У першую чаргу размова аб замене ліфтавага абсталявання ў шматпавярхоўках. Дамоўленасці дасягнуты падчас сустрэчы віцэ-прэм'ера Беларусі Міхаіла Русага з прадстаўнікамі мясцовай улады і бізнесу. Сёння ў прыгарадзе Тбілісі ў эксплуатацыю ўвялі першыя ліфты Магілёўліфтмаша. Пакуль праект пілотны (сёлета з Беларусі даставілі партыю ў 22 адзінкі), але ў далейшым бакі плануюць распаўсюдзіць яго па ўсёй краіне. Толькі ў пасёлку Казрэці неабходна правесці мадэрнізацыю сямі дзясяткаў пад'ездаў. У цэлым патрэбнасці грузінскага жылфонду - каля дзесяці тысяч новых ліфтаў. Пастаўкі адновяць у 2018. Аднак бакі дамовіліся перайсці ад простага гандлю да сумеснай вытворчасці. Асноўныя камплектуючыя застануцца айчыннымі, збіраць жа беларускія ліфты будуць грузінскія спецыялісты.
Аб значнасці сумеснага праекта па замене ліфтаў бакі сёння гаварылі і ва ўрадзе. Міхаіл Русы правёў перамовы з першым віцэ-прэм'ерам Грузіі. Краіны адзначылі сумесныя намаганні па збліжэнні нашых эканомік, тавараабарот працягвае расці. Па выніках года плануюць перасягнуць мяжу ў 100 мільёнаў долараў.
Сёння былі падпісаны і першыя кантракты. Так, грузінскі каньячны завод дазволіў разліў свайго напоя маркі "Сарадзішвілі" ў Мінску (дарэчы, гэта адбудзецца ўпершыню за ўсю гісторыю кампаніі), а ў Тбілісі будуць пастаўляць беларускую прадукцыю.
