Кітайскі рынак адкрыты для паставак ялавічыны для 21-го беларускага прадпрыемства і пяці - па вытворчасці мяса птушкі. Пратаколы сёння падпісаныя ў Мінсельгасхарчы Беларусі. Рашэнне было прынята па выніках некалькіх тураў інспекцый па праверцы якасці прадукцыі. Апошняя завяршылася два тыдні назад.
Чжы Шупін, міністр галоўнага дзяржупраўлення па кантролі якасці, інспекцыі і каранціне Кітая:
"Адносіны Кітая і Беларусі – гэта дружалюбнае стратэгічнае партнёрства. І зараз ідуць вельмі шчыльныя ўзаемныя пастаўкі. Мы жадалі б, каб вашы тавары ўвайшлі на наш рынак, каб наш народ пакаштаваў бяспечныя і якасныя беларускія прадукты".
Аляксандр Субоцін, намміністра сельскай гаспадаркі і харчавання Беларусі:
"Мы зрабілі першы і важны крок - знялі бар'ер і адкрылі рынак. Зараз справа за нашымі прадпрыемствамі. Спадзяюся, што ў найбліжэйшыя тыдні, а не месяцы, наш тавар інтэнсіўна пойдзе на кітайскі рынак".
Наступным крокам па развіцці супрацоўніцтва Мінска і Пекіна стане сертыфікацыя беларускіх прадпрыемстваў на пастаўкі рачной рыбы.
