Засталося ўбраць з палёў ледзь больш за 3% плошчаў. У той жа час уборачная працягваецца і на прыватных падворках. Наш карэспандэнт Аляксей Кандраценка ўбачыў як вялікія ўраджаі атрымліваюць на малых землях.
Камбайнер Віктар са сваім верным Бізонам ужо 5-ы аграсезон разам. Камбайну больш за 40 гадоў, і са сваёй задачай ён спраўляецца. Малоціць на ўчастку, куды машына з шырокай жаткай не праедзе.
У сезон паслугі прыватнага прадпрымальніка нарасхват. 15 тысяч рублёў за ўбраную сотку - невялікая плата. Зрэшты, для вяскоўцаў важна, каб іх сціплыя, але каштоўныя ўраджаі не прапалі.
Збожжа з прыватных падворкаў з апетытам ідзе на запатрабаванні жывёлагадоўлі і птушкагадоўлі.
З аднаго невялікага ўчастку можна атрымаць каля 300 кілаграмаў пшаніцы. Гэтага аб'ёму хопіць для таго, каб забяспечыць сваім кормам на працягу ўсёй зімы прыкладна 2-3 дзясяткі курэй і іншай хатняй птушкі. Такім чынам у Мінскім раёне аграрыі знайшлі кампраміс. Уборачнай тэхнікі хапае і буйным гаспадаркам, і вяскоўцам.
Леанід Міхайлаў, старшыня Горанскага сельсавета (Мінскі раён): Калі падыходзіць час уборкі ўраджаю, гаспадаркі, якія ўбіраюць свой хлеб, адрываць іх тэхніку на падворкі вельмі складана. Таму што кожны пагодлівы дзень вельмі каштоўны.
У Мінскай вобласці зараз набірае тэмпы ўборка кукурузы. Яна таксама пойдзе для корму жывёл і на насенне. У рэгіёне плануецца сабраць не менш як 700 тысяч тон ураджаю.
