Уборачная набліжаецца да свайго экватара. Апрацавана амаль 50 працэнтаў плошчаў. Самыя высокія паказчыкі на землях Брэсцкага і цэнтральнага рэгіёнаў. Напрыклад, аддача збожжавых палёў Смалявіцкага раёна вырасла на 20 працэнтаў - да 42 цэнтнераў з гектара. Завяршаецца і другі ўкос травы. Пры гэтым некаторыя гаспадаркі збіраюць нават трэці ўраджай кармоў. Падчас гэтай кампаніі ўсе гаспадаркі кансервуюць мінімум паўтарагадовы запас для жывёлагадоўлі. Выкарыстоўваюцца сучасныя тэхналогіі: захоўваюць корм у поліэтыленавых рукавах, а таксама ў сіласна-сянажных траншэях.
