Зрэшты, у тых, хто вядзе бізнес легальна, нелегалы далёка не галоўная перашкода. На рынку кожны канкурэнт, і тут ключавы закон - адказваць попыту лепш за іншых. Беллёгпрам, у якога з гэтым ёсць праблемы, зараз ледзь ці не актыўней за іншых мадэрнізуе свае вытворчасці. Напрыклад, такі гігант, як баваўнянае аб'яднанне ў Баранавічах. Тут узялі крэдыты, уклалі ў новыя лініі, і вось задача-мінімум зараз - вярнуць рынкі СНД, а максімум - адпавядаць сусветным стандартам. Не толькі па якасці, але і знешнім выглядзе. З абнаўленнем вытворчасці на фоне гэтых амбіцыйных планаў сёння ў Баранавічах азнаёміўся асабіста прэм'ер-міністр. У горадзе тэкстыльшчыкаў Міхаіл Мясніковіч таксама наведаў завод аўтаматычных ліній, на станках якога выпускаюць абсталяванне пад заказ не толькі для лёгпрама, але і абаронкі, нафтагазавай сферы, чыгунак Беларусі і Расіі. А яшчэ кіраўнік урада правёў прыём грамадзян па асабістых пытаннях.
