Аб гэтым сёння журналістам паведаміў кіраўнік Мінэнерга Уладзімір Патупчык. У гэтыя дні міністр знаходзіцца ў Цюменскай вобласці Расіі. Гаворачы аб кошце замены абсталявання, ён адзначыў, што зараз гэта прадмет перамоў з расійскім бокам.
Гэтую інфармацыю нам пацвердзілі і ў беларускім энергетычным ведамстве. На афіцыйным сайце міністэрства гаворыцца, што міжведамасная камісія па будаўніцтве атамнай электрастанцыі прыняла рашэнне аб замене корпуса рэактара. Адпаведнае апавяшчэнне Міністэрства энергетыкі накіравала расійскаму боку.