Перспектыўныя кірункі супрацоўніцтва Беларусі і Варонежскай вобласці абмеркавалі напярэдадні губернатар гэтага рэгіёна Аляксандр Гусеў і пасол Беларусі ў Расіі Уладзімір Сямашка. Бакі азначылі шэраг узаемавыгадных кантрактаў. Наша краіна плануе пастаўляць у гэты расійскі рэгіён спецыяльную і сельгастэхніку. Наўзамен імпартаваць - зерневыя культуры і кармы. Акрамя галоўнага кірунку, які прадстаўляе аграрная галіна, актыўныя кааперацыйныя сувязі наладжаныя ў сферы транспарту. Варонежцы зацікаўленыя ў пастаўках беларускіх электробусаў для абнаўлення пасажырскага аўтапарка горада. У прыярытэце і дарожнае будаўніцтва. Беларусаў запрасілі для ўдзелу ў тэндары па ўзвядзенні абласных аўтатрас. Па выніках сустрэчы бакі падпісалі план па рэалізацыі пагадненняў аб супрацоўніцтве. Датычацца яны цэлага шэрагу сфер - ад гандлю да культуры.
