Патэнцыял для нарошчвання гандлёва-эканамічных сувязяў вялікі. Гэта яшчэ раз пацвердзіў афіцыйны візіт прэм'ер-міністра В'етнама ў нашу краіну. Сённяшні працоўны дзень дэлегацыі атрымаўся насычаным. Раніцай Нгуен Тан Зунг у Доме ўрада правёў перамовы са сваім беларускім калегам. Пасля абеду сустрэўся з парламентарыямі. Вынік сённяшняга дня - бакі падпісалі пакет дамоў, бізнесмены - 10 кантрактаў на 100 мільёнаў долараў. Але гэта толькі пачатак. Беларусь прапанавала В'етнаму праграму фінансавай падтрымкі сумесных праектаў. Зараз тавараабарот паміж краінамі дасягнуў 200 мільёнаў долараў. Праз тры гады плануецца і гэтыя лічбы падвоіць.
За кошт чаго - раскажа Сяргей Хамянтоўскі. Нгуен Тан Зунга ў беларускім урадзе чакалі з шырокім парадкам дня. Пытанні пашырэння гандлёва-эканамічнага супрацоўніцтва Мінска і Ханоя ў ёй галоўныя. Гэта першы афіцыйны візіт Нгуен Тан Зунга ў Беларусь у якасці прэм'ер-міністра. Ды і першы наогул. Плошча Незалежнасці ў гонар высокага госця змянілася. Чырвоныя дарожкі, рота ганаровай варты і моцныя поціскі рукі пад выбліскі фотакамер. Афіцыйны Мінск сустракае партнёра невыпадковага. За апошнія пяць гадоў тавараабарот паміж Беларуссю і В'етнамам павялічыўся амаль у 3 разы. Летась гандаль паміж краінамі наблізілўся да 200 млн. долараў. На перамовах у вузкім фармаце беларускіх прэм'ер-міністр прызнаўся: патэнцыял для развіцця адносін бачны. Асаблівыя надзеі тут на партнёрства В'етнама з мытнай тройкай.
Беларуска-в'етнамскае сяброўства на ўзровень партнёрства стратэгічнага вывелі актыўныя кантакты на самым высокім узроўні. Ханой заўсёды сустракаў беларусаў асляпляльна яркім сонцам. Два афіцыйныя візіты Аляксандра Лукашэнкі ў В'етнам паказалі - у нашых адносінах ніколі не было дрэннага надвор'я. 200 мільёнаў долараў не тавараабарот паміж партнёрамі, гаворыць прэм'ер. Беларусь прапаноўвае В'етнаму праграму фінансавай падтрымкі сумесных праектаў. Паводле ацэнак экспертаў, мытная тройка зможа нарасціць аб'ём гандлю з В'етнамам ужо да 2015 года да 7 мільярдаў долараў. Чакаецца, што мост паміж сусветнымі эканамічнымі блокамі, АЭП і АСЕАН будзе здадзены ў 2014 годзе. Вынік перамоў сённяшніх - падпісаны пакет дамоў і 10 кантрактаў на 100 мільёнаў долараў. Выйдучы да прэсы, прэм'еры канстатавалі: аб'ём узаемнага гандлю за тры гады можна падвоіць.
Нгуен Тан Зунг, прэм'ер-міністр Сацыялістычнай Рэспублікі В'етнам: Бакі прыйшлі да згоды аб неабходнасці працягу абмену дэлегацыямі, асабліва на самым высокім узроўні, каб каардынаваць дзеянні ў сферы гандлёва-эканамічнага і інвестыцыйнага супрацоўніцтва, а таксама надаць новы імпульс двухбаковаму партнёрству.
У чарзе сустрэч і перамоў сёння знайшлося месца і гістарычнай памяці. Госці ўсклалі кветкі да манумента на плошчы Перамогі. Сустрэліся і з парламентарыямі. На сустрэчу дэпутатаў з в'етнамскай дэлегацыяй прыйшлі і сенатары. Беларусь разглядае В'етнам у якасці надзейнага партнёра ў Азіяцка-Ціхаакіянскім рэгіёне - прагучала сёння і ў парламенце.
