Беларусь і Узбекістан заключылі 26 міжрэгіянальных пагадненняў і больш за 20 камерцыйных кантрактаў

26 міжрэгіянальных пагадненняў і больш за 20 камерцыйных кантрактаў - гэта вынік працы I Форуму рэгіёнаў Беларусі і Узбекістана. У дарожнай карце супрацоўніцтва каля 30 эканамічных задач. У прыярытэце: машынабудаванне, АПК, харчовая, фармацэўтычная, лёгкая прамысловасці, транспарт і IT. Стаўка на сумесныя вытворчасці і інавацыйныя праекты. 

Мар'яна Шчоткіна,  намеснік старшыні Савета Рэспублікі Нацыянальнага сходу  Беларусі:  "Гэта новы этап у адносінах Узбекістана і Беларусі. Гэта новая старонка, якая адкрывае новыя магчымасці.  Гэта першым чынам развіццё гандлю, развіццё турызму, прамысловай кааперацыі, якія пэўна атрымалі ўсе пацверджанні, якія былі на гэтым пленарным пасяджэнні".