Наконт гэтага сёння заявілі віцэ-прэм'еры дзвюх дзяржаў. Міхаіл Русы і Януш Пехацінскі, які дарэчы ўступіў на новую пасаду, прынялі ўдзел у беларуска-польскім эканамічным форуме Добрасуседства. Тавараабарот паміж нашымі краінамі штогод расце, з пачатку года гэта больш чым 2 мільярды рублёў. У Польшчы каля сотні беларускіх прадпрыемстваў, а на нашай тэрыторыі больш за 350 з польскімі інвестыцыямі.
Прыклад паспяховага ўкладання польскага капіталу ў беларускую эканоміку ўдзельнікі бізнес-форуму ўбачылі ў свабоднай эканамічнай зоне Брэст. Яны наведалі найбуйнейшае ў краіне прадпрыемства па выпуску будаўнічых матэрыялаў з ПВХ. На аўтаматызаваным заводзе працуюць каля 500 работнікаў. Большая частка прадукцыі ідзе на экспарт.
