Беларусь і Куба абмяркоўваюць магчымасць стварэння сумесных прадпрыемстваў

Куба мае намер развіваць гандлёва-эканамічнае супрацоўніцтва з Беларуссю. Стаўку зробяць на машынабудаванне. МАЗ, БелАЗ і МТЗ ужо прысутнічаюць на лацінаамерыканскім рынку і рэгулярна ўдзельнічаюць у выставе ў Гаване для пошуку новых партнёраў. Наступны крок кааперацыі - стварэнне сумесных прадпрыемстваў. Гэта стала асноўнай тэмай сустрэчы кіраўнікоў нашых прамысловых флагманаў з віцэ-прэзідэнтам урада Кубы. За кошт чаго яшчэ можна павялічыць тавараабарот, бакі абмяркуюць падчас візіту ў Беларусь кубінскага палітыка, ён прыбудзе ў Мінск ужо сёння.

Рыкарда Кабрысас Руіс, віцэ-прэзідэнт урада Кубы: "Непадалёк ад аднаго з нашых партоў створаная асаблівая эканамічная зона. А на ўсёй Кубе працуе закон аб інвестыцыях. Нам важны актыўны ўдзел замежнага капіталу ў нашай эканоміцы для развіцця, прычым на ўзаемавыгаднай аснове. Чакаем і беларускі бізнес".

У двухбаковых гандлёвых адносінах у нас дадатнае сальда, імпарт з Кубы складае ў асноўным сельскагаспадарчая прадукцыя.