Беларусь і Кастрамская вобласць паглыбляюць супрацоўніцтва

Сёння Беларусь зверыла пазіцыі яшчэ з адным расійскім рэгіёнам. Кастрамская вобласць - наш даўні партнёр, але гандлёвыя адносіны развіваюцца з пераменным поспехам, сёння тавараабарот паўсотні мільёнаў долараў. І ў партнёраў былі і лепшыя часы. Сёння бакі зацікаўленыя нарасціць колькасць сумесных праектаў. Самыя прыкметныя - у лясной і будаўнічай галінах. Значная цікавасць і да паставак беларускіх машын. 

Юрый Макаў, намеснік губернатара Кастрамской вобласці Расіі: "На сённяшні дзень у Расійскай Федэрацыі рэалізуецца шэраг нацыянальных праектаў, у тым ліку ў галіне дарожнага будаўніцтва, і сёння мы з калегамі абмеркавалі наша магчымае супрацоўніцтва з пункта погляду пастаўкі беларускай тэхнікі на тэрыторыю Кастрамской вобласці. Гэта датычыцца і пасажырскага транспарту, дарожнай тэхнікі. Зараз пабывалі на заводзе МАЗ па пастаўках тэхнікі для нашых дарожных прадпрыемстваў".

Сёння ў Кастрамскай вобласці ўжо працуюць больш як 60 адзінак беларускай тэхнікі "Амкадор". Раней у расійскім рэгіёне быў пабудаваны і сэрвісны цэнтр для абслугоўвання гэтых машын.