Сёння па выніках пасяджэння міжурадавай камісіі падпісаны шэраг пагадненняў, у тым ліку ў сферы турызму. Абодва бакі гавораць аб вялікім патэнцыяле ў тавараабароце, які перавышае цяперашнія 600 мільёнаў долараў мінімум удвая. Летась экспарт беларускіх тавараў у Францыю ўпершыню павялічыўся да 100 мільёнаў. Галоўныя кірункі - энергетыка, сельская гаспадарка, транспарт і фармацэўтыка.
Гэты тыдзень стаў насычаным падзеямі ва ўзаемаадносінах Беларусі і Францыі за апошнія 20 гадоў. Нагадаем, напярэдадні ў Мінску прайшоў першы двухбаковы бізнес-форум. У сталіцу прыехалі прадстаўнікі больш за 50 французскіх кампаній.
