Беларусь гатова завяршыць перамовы па ўступленні ў Сусветную гандлёвую арганізацыю да чэрвеня наступнага года. Аб гэтым было заяўлена сёння ў Жэневе. У гэтыя дні там знаходзіцца наша дэлегацыя на чале з першым віцэ-прэм'ерам Аляксандрам Турчыным. На пасяджэнні рабочай групы ён адзначыў, што далучэнне Беларусі да СГА выгадна ўсім. Гэта дапаможа беларускім вытворцам пазбегнуць штучных бар'ераў і выведзе іх на рынак глабальнага гандлю. А таксама адчыніць дзверы і для прыходу да нас замежных тавараў. Да наступнага лета будуць узгодненыя ўсе пытанні па рэгуляванні экспарту-імпарту, цэнаўтварэння, санітарных і ветнормаў. Беларусь - краіна з адкрытай эканомікай, арыентаванай на знешнія рынкі, таму не можа заставацца ў баку ад СГА, дзе ўжо большасць нашых эканамічных партнёраў, напрыклад Расія і Казахстан. Так што, па сутнасці, з імі мы ўжо працуем паводле правілаў сусветнага гандлю, дзе градус канкурэнцыі ўвесь час павышаецца. Але пры гэтым заўсёды ўлічваем свае нацыянальныя інтарэсы і інтарэсы нашых вытворцаў.
У гэтыя дні ў Жэневе праходзіць чарговы раўнд двухбаковых перамоў па доступе на рынак тавараў і паслуг з краінамі - членамі СГА. Іх сабралася паўсотні: Расія, ЗША, Кітай, Бразілія, Турцыя, Швейцарыя і іншыя. На рабочай групе дзеючыя гульцы вялікага гандлю падтрымалі крокі Беларусі па далучэнні да арганізацыі і гатовы садзейнічаць завяршэнню ўсіх перамоў праз год. На чэрвень 2020 года назначана міністэрская канферэнцыя Сусветнай гандлёвай арганізацыі.
