Беларусь - ЕБРР: новыя праекты

Еўрапейскі банк рэканструкцыі і развіцця гатовы разгледзець прапанову Беларусі паўдзельнічаць у будаўніцтве чыгункі, якая злучыць сталіцу з аэрапортам. Напярэдадні ЕБРР у гэты праект запрасіў урад. Як адзначылі ў банку, тут вывучаць бізнес-план, як толькі дакумент будзе гатовы. Але, верагодней за ўсё, падлучацца да будаўніцтва ў кааперацыі з іншымі банкамі. 

Інфраструктурныя праекты займаюць усё большае месца ў партфелі ЕБРР для Беларусі.

 Банк ужо ўзяў на сябе абавязацельствы ў рэканструкцыі трасы М3 у кірунку Віцебска, а таксама больш за дзясятак мастоў. Гэта дазволіць выйсці на рэкордныя лічбы фінансавання беларускай эканомікі. У найбліжэйшых планах банка таксама распрацоўка новай стратэгіі для Беларусі.

Юрген Рыгтэрынк,  першы віцэ-прэзідэнт ЕБРР: "Новую стратэгію для Беларусі ЕБРР прадставіць у наступным годзе. Ужо на наступным тыдні эксперты банка прыедуць у Беларусь для ацэнкі бягучай сітуацыі. Новая стратэгія вызначыць ключавыя прынцыпы партнёрства да 2023 года. Але ў нас ёсць усе падставы разлічваць на тое, што мы працягнем нарошчваць партфель нашых праектаў. Бо банк не ставіць ніякіх фінансавых абмежаванняў для супрацоўніцтва з Беларуссю".

Беларусь у партфелі ЕБРР стала адной з самых значных дзяржаў. Наша месца - у топ-10. Аб'ём інвестыцый у беларускую эканоміку за гады супрацоўніцтва набліжаецца да трох мільярдаў еўра.