Аляксандр Лукашэнка наведвае малочна-таварны комплекс "Усценскі" ў Аршанскім раёне

Інавацыі ў сельскай гаспадарцы. Гэта адна з сённяшніх тэм рабочай паездкі кіраўніка дзяржавы ў Аршанскі раён.

Прэзідэнт наведвае малочна-таварны комплекс "Усценскі", што належыць вытворчаму прадпрыемству "Вусце" Нацыянальнай акадэміі навук.

МТК пачаў працаваць у канцы мінулага года. Ён разлічаны на 1000 дойных і 200 сухастойных кароў. Для раздою выкарыстоўваецца ўстаноўка "Елачка", для асноўнага статка - "Карусель". На беларускіх фермах нямала залаў з карусельнымі даільнымі ўстаноўкамі, але, як заяўляюць на прадпрыемстве, гэта першая робатызаваная. Разлічана на 40 кароў, спецыяльны механізм аўтаматычна падганяе карову да даільнай залы, а камп'ютар памятае асаблівасці будовы вымя кожнай каровы. Размова таксама пойдзе пра селекцыю, напрацоўкі навукоўцаў і тэхналогіі па насенняводстве.