Якасныя кармы для эфектыўнай жывёлагадоўлі! Аграрыі Мінскай вобласці завяршаюць уборку кукурузы і пяты ўкос травы.
У гаспадарцы "Кухчыцы", напрыклад, здрабняюць люцэрну. Гэтая бабовая культура багатая энергіяй і бялком. Зялёны ўраджай у Клецкім раёне тэхніка ўбірае звёнамі. З палёў масу закладваюць у траншэі, выкарыстоўваюць таксама палімерную плёнку.
Усяго ж у гэтым сезоне спецыялісты нарыхтавалі 22 тысячы тон сенажу, столькі ж сіласа. Забяспечылі паўтарагадовы запас кормаў. Для збалансаванага рацыёну таксама плюшчанае збожжа кукурузы, ячмень і бульба.
На ўласным камбікорме падрастае і маладняк. Цяляты знаходзяцца ў спецыяльных умовах. Дарэчы, усяго ў гаспадарцы Клецкага раёна зараз больш як 3 з паловай тысячы жывёл. Пагалоўе павялічаць - ужо будуюць новыя комплексы.
