Следам за збожжавымі падаспеў і другі хлеб. Аграрыі Мінскай вобласці пачалі ўборку бульбы. Сёлета надвор'е было не зусім спрыяльнае, але дзякуючы якасным сартам і належнаму тэхналагічнаму падыходу разлік на ўраджайнасць не горшы за мінулы год. Масавая ўборка пачнецца на наступным тыдні. Пакуль жа клубні выкопваюць ў асноўным пад заказ. Больш падрабязна Наталля Кузьміцкая.
Апошнія дні летніх канікул школьнікі чэрвеня праводзяць у полі - выконваюць розныя сельскагаспадарчыя работы і зарабляюць свае першыя грошы.
Акрамя таго атрымліваюць і новыя карысныя веды. Напрыклад, якія з сартоў бульбы лепш выбіраць для пюрэ, а якія больш прыдатныя для дранікаў. У гаспадарцы “Натальеўск” гэтая культура адна з асноўных. Вырошчваюць суперэліту. Зараз клубні выкопваюць пад заказ. Таму на малых аб’ёмах ручны збор. Адначасова са жнівом.
Напрыканцы наступнага тыдня, калі пачнецца масавая ўборка бульбы, у поле на змену людзям прыйдзе тэхніка. Пасля анамальна гарачага чэрвеня ліпеньскія дажджы былі толькі на карысць. Аграрыі разлічваць на валавы збор не горшы за леташні.
З палёў клубні трапляюць у цэх дапрацоўкі. Там увесь сабраны ўраджай спачатку чысцяць ад пяску і камянёў, а потым сартуюць па памеры. Дробны калібр адпраўляюць на корм і насенне, буйны - на продаж.
Паралельна вядзецца сяўба азімага рапсу. Каб пасевы паспелі ўзысці і ўкараніцца, а затым паспяхова перажыць зімовыя халады, неабходна завяршыць усе работы ў аптымальныя агратэхнічныя тэрміны. Таму нават з заканчэннем жніва гарачая пара ў гаспадарцы не заканчваецца.
Аграрыі Мінскай вобласці пачалі ўборку бульбы
20 августа 2019