На колькі запоўнім сховішчы сёлета, ад чаго будзе залежаць ураджай - у рэпартажы Ксеніі Лебедзевай.
Беларусы больш за ўсіх у свеце ядуць бульбу
Беларусы больш за ўсіх у свеце вырошчваюць бульбы (680 кілаграмаў на чалавека) і больш за ўсіх ядуць (у сярэднім на аднаго 183 кілаграмы за год). Таму што гэта за агародніна, як яе вырошчваць, з чым ядуць - ведаем на ўзроўні. Яшчэ нямнога, яшчэ крыху і сховішчы, запоўненыя бульбай, вызваляцца для новага ўраджаю. Асноўная пасадка яе выйшла на фінішную прамую. Завяршаюць работы Гродзенская і Віцебская вобласці. Бульбай засеяна больш за 35 тысяч гектараў зямлі. Улічваючы сітуацыю на сусветным рынку і павышаны попыт на прадукты харчавання, плошчы пад пасадку бульбы сёлета яшчэ павялічаць.
Акцэнт на экспарт
Эксперты ўсё больш гучна гавораць пра крызіс харчавання, які набліжаецца. А значыць попыт на якасныя прадукты вырасце. Прэзідэнт арыентуе аграрыяў і перапрацоўшчыкаў на пошук лепшых цэнавых умоў на сусветным рынку. Сёлета апроч малочнай і мясной прадукцыі на ўра ідзе і бульба. Таму пра ўраджай трэба паклапаціцца ўжо зараз. Кормім сябе і суседзяў. Геаграфія паставак - амаль два дзясяткі краін. Летась стаялі чэргі з фур з расійскімі і ўкраінскімі нумарамі. Апошнія тады забіралі да 70 % ураджаю.
Выкананне тэхналогій - зарука добрага ўраджаю
Рэспубліканскі генетычны банк беларускага другога хлеба налічвае 3 тысячы ўзораў бульбы - гэты нацыянальны здабытак. На Лепельскай сортавыпрабавальнай станцыі тэстуюць 40. Нам распавялі, якія даюць лепшы ўраджай на Віцебшчыне.
Спецыялісты сортавыпрабавальнай станцыі адны з апошніх кідаюць бульбу ў зямлю. Не спяшаліся, бо выкананне тэхналогій - першачарговы пункт, ад якога залежыць, колькі збяром восенню. Летась у краіне сабралі каля 6 мільёнаў тон бульбы. Так склалася, што 83 % ад усяго ўраджаю - гэта прысядзібныя ўчасткі, астатняе калгасы і фермерскія гаспадаркі. Але якія! Напрыклад, у аднаго з лідараў мінулага года са Шклоўскага раёна ў 2018 вынік быў 43 тоны з гектара, па выніках мінулага - звыш 62. Амаль удвая больш за агульнарэспубліканскія паказчыкі. І ўсё вынік выканання тэхналогій і дасягненняў селекцыянераў.