Сацыяльная справядлівасць, мэтазгоднасць і эканамічная эфектыўнасць павінны быць у аснове прыняцця заканадаўчых рашэнняў. Пра гэта сёння заявіў прэзідэнт на нарадзе з кіраўніцтвам Савета Міністраў.
Актуальныя сацыяльна-эканамічныя аспекты развіцця краіны
У цэнтры ўвагі - інвестпраграма на гэты год і рэалізацыя найбольш значных праектаў, а таксама шэраг дакументаў, якія закранаюць розныя сферы жыцця і ляжаць у эканамічнай плоскасці. Прэзідэнт не раз адзначаў, што эканоміка - гэта галоўнае, гэта нельга выпусціць з-пад увагі ў няпросты час. Вырашэнне эканамічных пытанняў дазволіць справіцца з іншымі задачамі развіцця. Сярод прыярытэтаў выразная і прадуманая інвестыцыйная праграма, дзе ўкладанне кожнага рубля павінна быць фінансава абгрунтавана.
Дзяржаўная інвестпраграма на гэты год будзе дапрацавана. Галоўны крытэрый будучых карэкціровак - эфектыўнасць дзяржаўных укладанняў. Праектам, з якімі можна пачакаць, дадуць невялікую адтэрміноўку. Акцэнт будзе зроблены на тых праектах, якія неадкладна патрэбныя краіне і людзям. Рэвізію дзяржпраграмы правядуць у найбліжэйшы час. А пасля вынесуць на разгляд прэзідэнта.
Шэраг прапаноў урада разгледзелі ў Палацы Незалежнасці
На парадку дня і карэкціроўка заканадаўства па пытаннях дзейнасці гаспадарчых таварыстваў - гэтыя дакументы рэгламентуюць амаль усе сферы стварэння, працы і ліквідацыі камерцыйных арганізацый. Прэзідэнт падкрэслівае, што пры ўдасканаленні прававога поля канцэптуальныя падыходы да прыватызацыі застануцца ранейшымі. Развіццю партнёрства дзяржавы і прыватніка - зялёнае святло, але створанае народам - недатыкальна. Урад прапанаваў таксама прадоўжыць дзеючыя ўмовы працы аграэкабізнесу, захаваўшы льготныя крэдыты. Турыстычная сфера наймацней пацярпела ад наступстваў пандэміі - прэзідэнт прапануе зазірнуць за гарызонты пяцігоддзя.
Прэзідэнт: Увесці жорсткія меры за парушэнне заканадаўства па падаткаабкладанні
Аляксандр Лукашэнка даручыў таксама ўвесці жорсткія меры за парушэнне законаў у сферы падаткаабкладання. Гэта датычыцца і зарплат у канвертах. Для шэрага бізнесу ў абход заканадаўства павінна быць прадугледжана сур'ёзная адказнасць.
