Ад урада чакаюць аператыўных і сістэмных мер для аднаўлення эканамічнага росту. Пра гэта заявіў сёння Прэм'ер-міністр Андрэй Кабякоў. На пашыраным пасяджэнні Савета Міністраў разглядалі вынікі сацыяльна-эканамічнага развіцця Беларусі за 9 месяцаў. Гаварылі пра дасягненні і пра тое, да чаго яшчэ варта імкнуцца. Так, Беларусь у тэрмін разлічваецца па валютных даўгах. Па сальда знешняга гандлю мае лепшы вынік за апошнія 15 гадоў. Забяспечвае сацыяльныя выплаты і дзяржпадтрымку рэальнага сектара эканомікі. Разам з тым за 9 месяцаў эканамічнага росту не адбылося. І на гэта ёсць як знешнія прычыны - фінансавая нестабільнасць сусветных рынкаў, так і ўнутраныя.
Уладзімір Зіноўскі, Міністр эканомікі Беларусі: "Інфляцыя ў рамках прагнозу 10,1 %. Такой інфляцыі ў прынцыпе не было з 11-га года. Мы лічым, што будзе выкананы абавязкова прагнозныя паказчыкі. Але, вядома, праца эканомікі не можа сёння задаволіць урад, паколькі асноўныя макраэканамічныя паказчыкі не выконваюцца. Напрыклад, валавы ўнутраны прадукт за 9 месяцаў склаў усяго 93,6 % і працягвае там дзесьці на адну дзесятую за 10 месяцаў. Гэта даволі дрэнны вынік, ён не можа задаволіць".
Асноўнымі крыніцамі эканамічнага росту ў Беларусі названы экспарт і інвестыцыі. У наступным годзе будуць укаранёныя і новыя падыходы па фарміраванні і фінансаванні дзяржпраграм. Менавіта іх выкананне стане ключавым паказчыкам эфектыўнасці кіраўніка.
