Паміж тым старшыня праўлення Расійскага саюза вытворцаў малака Андрэй Даніленка заявіў, што Расіі варта пераняць беларускі вопыт развіцця малочнай жывёлагадоўлі. У інтэрв'ю газеце "Рэспублiка" ён прызнаў, што беларуская вытворчасць паспяхова вытрымлівае высокую канкурэнцыю на замежных рынках. Вынік дае комплексная падтрымка аграрыяў на дзяржаўным узроўні.
"Па-першае, краіна з савецкіх часоў была аграрным рэгіёнам з развітой жывёлагадоўляй, у тым ліку малочнай. Па-другое, у Беларусі даўно існуе сістэмная праграма падтрымкі сельскай гаспадаркі. Бо важны не толькі памер субсідый, але і іх стабільнасць, дакладныя правілы доступу да іх. Гэты фактар дае вам сур'ёзныя перавагі перад суседзямі. І мы толькі радуемся за калег, што ў іх ёсць такія магчымасці".
Таксама кіраўнік Саюзмалака падтрымаў стварэнне наднацыянальнай асацыяцыі малочных вытворцаў. Адзіны орган дапаможа папярэдзіць канфлікты інтарэсаў краін - удзельніц Мытнага саюза. А не выносіць іх на ўзровень міністэрстваў або ўрадаў, адзначыў Андрэй Даніленка.
"На такой пляцоўцы можна было б эфектыўна вырашаць мноства пытанняў. Не толькі цэнаўтварэння, але і тэхнічнага рэгулявання, патрабаванняў да якасці і бяспекі прадукцыі, фарміравання сумеснай экспартнай стратэгіі за межы Мытнага саюза. Супрацоўніцтва нашмат больш прадуктыўнае за канфліктныя сітуацыі, якія, на жаль, узнікаюць досыць часта".
Сёння Расія не можа сябе цалкам забяспечыць ні сырцом, ні гатовай прадукцыяй, адзначыў кіраўнік Саюзмалака. Дэфіцыт ацэньваюць на сем мільёнаў тон малака за год. Каля 80% гэтага аб'ёму забяспечваюць беларускія вытворцы.
