Ён утворыцца ў працэсе распрацоўкі радовішчаў нафты. На адным з іх - Заходне-Аляксандраўскім - спецыялісты дасягнулі рэкорднай адзнакі. Спадарожны газ атрымліваюць метадам сепарыравання аддзялення яго ад нафты. Затым па трубах ён трапляе на Беларускі газаперапрацоўчы завод. Сярод прадуктаў перапрацоўкі спадарожнага газу - паліва для аўтамабільнага транспарту, сыравіна, якая выкарыстоўваецца ў нафтахімічнай прамысловасці і нават электрычная энергія. Да канца года беларускія нафтавікі плануюць здабыць амаль 190 кубаметраў спадарожнага нафтавага газу.
Анатоль Сушчык, намеснік начальніка нафтагазаздабыўнага ўпраўлення "Рэчыцанафта": "На сённяшні дзень здабыта 15 мільярдаў, лічыцца яшчэ 7,5 мільярда. Але гэта не гаворыць аб тым, што праз 25 гадоў ён у нас скончыцца. Не, я яшчэ раз гавару - вядзем актыўнае свідраванне. На наступны год закладзена ў нас 5 пошукава-разведвальных свідравін, з высокім таксама газавым фактарам".
Сярод пераваг здабычы спадарожнага газу - ён не патрабуе дадатковых выдаткаў. Гэта - пабочны прадукт нафтаздабычы. Пятая частка перапрацаванай прадукцыі цалкам закрывае запатрабаванні нашай краіны. Астатняе - пастаўляецца на экспарт.
