У Старадарожскім раёне 18-гадовы юнак на мікрааўтобусе не справіўся з кіраваннем, выехаў на паласу сустрэчнага руху і сутыкнуўся з фурай. Вадзіцель і пасажыр Mercedes загінулі. Паводле папярэдніх звестак, рамянямі бяспекі яны прышпілены не былі.
А ў Барысаўскім раёне вадзіцель Mazda ноччу не заўважыў яшчэ аднаго аўтаўладальніка, які хацеў скаціць зламаны аўтамабіль з праезнай часткі. Малады чалавек не абазначыў сябе флікерамі. Пасля наезду з рознымі траўмамі ён шпіталізаваны. Другі вадзіцель сур'ёзна не пацярпеў.
У Капыльскім раёне пад колы аўто трапіў веласіпедыст. Сямікласнік рухаўся па абочыне. Аднак раптоўна выехаў на сярэдзіну дарогі, дзе яго збіла легкавая машына, якая ехала ў спадарожным напрамку. Веласіпедыст у бальніцы.
