Затрыманы злачынец, які нападаў на аддзяленні банкаў у Гомельскім раёне

Мужчыне 25 гадоў, жанаты, студэнт-завочнік, і яго падазраюць адразу ў двух разбойных нападах. Першы адбыўся яшчэ 10 студзеня. Тады невядомы, пагражаючы, выкраў буйную суму ў аддзяленні банка ў пасёлку Бальшавік Гомельскага раёна. Праз два месяцы здарылася другая спроба - ужо ў банку ў аграгарадку Бабовічы. Але адвага і спакой банкаўскага работніка не дазволілі зламысніку забраць грошы. А сышчыкі прыклалі максімум намаганняў, каб злавіць злачынца.

Аляксандр Васільеў - начальнік УУС Гомельскага аблвыканкама: "Устаноўлена была не толькі асоба падазронага, але і вонкавае назіранне за ім. Калі падазроны паспрабаваў пазбавіцца ад доказаў, было прынята рашэнне аб затрыманні. Затрымлівалі супрацоўнікі атрада асаблівага прызначэння. Падазроны прызнаўся ў здзяйсненні злачынства і расказаў аб акалічнасцях". 

Зараз малады чалавек знаходзіцца пад вартай. Яму прад'яўлена абвінавачанне ў разбоі, учыненым паўторна. Папярэдне, грошы хлопец партаціў на пагашэнне крэдыту і асабістыя патрэбы.