Паводле даных супрацоўнікаў упраўлення "К", двое расіян стварылі спецыяльную праграму-вірус, якая дапамагала ім выманьваць сродкі ў беларусаў пад выглядам спецслужб нашай краіны. У карыстальнікаў сеткі Інтэрнэт, наведваючы розныя парталы, у тым ліку інфармацыйныя, з'яўлялася акно на ўвесь экран з інфармацыяй аб тым, што яны парушылі закон і павінны аплаціць штраф нібы за наведванне сайтаў парнаграфічнага характару. У выпадку няплаты, паведамлялася ў тэксце, прыедзе следча-аператыўная група для іх затрымання. Нягледзячы на тое, што махлярства, здавалася, было відавочным, тых, хто паверыў і пералічыў грошы, ужо не менш як 300 чалавек.
У МУС папярэджваюць - нельга спагнаць штраф адным паведамленнем праз Інтэрнэт, тым больш, з дапамогай мабільнага тэлефона. Да таго ж простая парада карыстальнікам сеткі - быць больш пільнымі і, не саромеючыся, звяртацца па інфармацыю ў міліцыю.
