Альянс недаверу: пацярпелымі прызнаныя звыш ста чалавек
Сёння суд Савецкага раёна Мінска вынес прысуд работнікам кампаніі-банкрута. Кааператыў задумваўся як некамерцыйная арганізацыя, якая прапаноўвала кожнаму ўкладчыку рэкордныя дывідэнды - да 80 % гадавых. Увесь прыбытак арганізацыя абяцала дзяліць паміж удзельнікамі, але на справе атрымалася інакш - больш за сотню ашуканых укладчыкаў і мільёны рублёў страт. Вердыкт суда: 5 чалавек вінаватыя ў махлярстве, завалоданні маёмасцю шляхам падману. Самы мяккі прысуд - 3 гады 8 месяцаў, самы суровы - 7 гадоў пазбаўлення волі.Пяцёра падсудных атрымалі абвінаваўчыя прысуды
Галоўны фігурант - старшыня кааператыва - у вышуку. Лічыцца, што менавіта яна вывезла ўсе грошы і знаходзіцца ў ЗША. Сваякі абвінавачаных лічаць прысуд неабгрунтавана жорсткім. На лаве падсудных апынуліся яе сябры і нават родныя дзеці.Андрэй, сябар падсудных: "Гэта проста супрацоўнікі фірм: касіры, бухгалтары. Двое з іх сын і дачка таго, хто выкраў. Той, хто ў Амерыцы знаходзіцца. Гэта ўсе ведаюць, следства ведае. А сёння дзеці і сябры гэтай жанчыны будуць адбываць тэрміны па 7 гадоў. Яны размаўлялі з маці, маці сказала, што ад яе прыезду нічога не зменіцца".
Хто верне пацярпелым грошы, пытанне адкрытае, кааператыў прызнаны банкрутам. Прысуд не ўступіў у законную сілу і можа быць абскарджаны і апратэставаны. На гэта ў бакоў ёсць 10 сутак.
