Працэс - адкрыты. На лаўцы падсудных - Уладзіслаў Казакевіч. Нагадаем, у кастрычніку мінулага года (а тады падлетку было 17 гадоў) ён, узброены бензапілой і сякерай, напаў на наведвальнікаў гандлёвага цэнтра. Адна жанчына загінула. Яшчэ два чалавекі атрымалі раненні. Следства па гэтай справе доўжылася 4 месяцы.
З залы суда - Юрый Шаўчук. Да 10 раніцы чацвёрты паверх Мінскага гарадскога суда больш нагадваў прэс-цэнтр, дзе сабраліся журналісты ўсіх вядучых СМІ краіны. Такі ажыятаж цалкам вытлумачальны - справа аб нападзе на ТЦ "Новая Еўропа", падчас следства, ніяк не каменціравалася. І вось у журналістаў з'явілася магчымасць праліць святло на гэтую жахлівую гісторыю. У залу суда ўвайшло каля ста чалавек. Акрамя прэсы - студэнты інстытута МІПСА, пацярпелая, якой атрымалася выратавацца, і сваякі жанчыны, што загінула.
Калі абвінавачванаму далі слова, ён падрабязна распавёў храналогіі тых дзён. Спачатку 7 кастрычніка перад парамі спрабаваў выпіць гарэлкі, але не атрымалася. Выклікаў таксі і паехаў у інстытут, забіваць людзей. На месцы Уладзіслаў адправіўся ў туалет, перапрануцца і завёў бензапілу, але на выхадзе яна заглухла. Усё гэта малады чалавек распавёў спакойна і нават з цынічнай усмешкай на твары. Напад на студэнтаў і выкладчыкаў інстытута сарваўся, але свой жудасны план зламыснік увасобіў ужо на наступны дзень у гандлёвым цэнтры "Новая Еўропа".
Са сведчанняў Уладзіслава Казакевіча: "Калі людзі сталі хавацца за дзвярамі, зайшла прыбіральшчыца, жадаў забіць яе сякерай па галаве, на жаль, прамахнуўся. Мне не хацелася за ёй бегаць. Потым жадаў узяць заложніка, каб у фінале мяне забіў спецназ. Узяць заложніка не далі людзі, якія бегалі за мной з крэсламі. Яшчэ ля магазіна стаялі хлопцы, думаў таксама іх забіць, але не хацелася пералазіць там праз высокі стол".
У той дзень ад рук Уладзіслава Казакевіча загінула Алена Александронец. У загінуўшай засталася 21-гадовая дачка Алеся, якая сёння таксама прысутнічала ў зале суда. Усё, што адбываецца падчас пасяджэння, ёй перакладае сурдаперакладчык. Сама дзяўчына інвалід па слыху.
У любым выпадку, колькі іменна за забойства, учыненае з асобай жорсткасцю, атрымае абвінавачваны, будзе вызначаць толькі суд. Нагадаем, што псіхолага-псіхіятрычная экспертыза прызнала Уладзіслава Казюкевіча ў стане свядомасці, і пацвердзіла, што малады чалавек цалкам разумеў, што рабіў.
Нягледзячы на тое, што зараз Уладзіславу Казакевічу ўжо ёсць 18, абвінавачанне яму было прад'яўлена яшчэ да паўналецця, а гэта значыць, што максімальны тэрмін, які яму можа пагражаць, не 25 гадоў пазбаўлення волі, а 12. Але адбываць пакаранне асуджаны будзе не ў дзіцячай, а ў дарослай калоніі.
